Охин нь таныгаа үргэлж санаж явдаг шүү ааваа...

Өнөөдөр сонин.мн дээр гарсан Чимээгүй хот, чимээгүй дээрэмдүүлсээр байна гэсэн фото мэдээг үзээд сэтгэл үнэхээр өвдлөө. Хамгийн түрүүнд бурхан болсон эцэг минь нүдэнд харагдах шиг болж, мэдээн дээр тавигдсан байсан зураг шиг ингээд тоногдож байгаа юм биш биз дээ гэхээс яс хавталзах шиг боллоо. Бага насны минь ой дурсамж бүүр түүрхэн санагддаг ч харин хамгийн сүүлд аавтайгаа салах ёс гүйцэтгэж харсан тэр дүр зураг одоо ч сэтгэлд тод харагддаг. Тэгэхэд би 4 дүү минь 2 орчим настай л байсан санагддаг юм. Аавынхаа тухай олон зүйл мэдмээр байдаг ч 2ийн хоёр нялх хүүхэд өсгөх гэж зүтгэсэн ээжийнхээ сэтгэлийн шаналалыг бодоод асууж зүрхлэдэггүй хэвээр... Гэхдээ ямар ч байсан дараа жил сургуулиа төгсөж очоод эцгийнхээ газрыг заавал эргэж хэтэрхий орой ч гэлээ буян хийж ном уншуулана. Нэг ч удаа эргэж очиж байгаагүй үрийн сэтгэл муутай охин намайгаа аав минь уучлаарай

Favourite Fashion Editorial : Sweet 60s

Magazine : Vogue Italia (September Issue)
Model : Jacqueline Jablonski

3, 12 дах даашинзад нүд унаж байна...

Favourite Magazine Editorial : The one and Only Couture

Magazine : Vogue Italia - September Issue

Favourite Magazine Editorial : Religion

Миний дуртай модель хүүхэн янзтай зургаа авахуулжээ. Photoshoot-ын агууламж, авалт нь ч маш их таалагдав.

This Summer' s My Favourite Fashion Items

Зиаг миний нэг хобби бол фейшн гэдэгийг блогоор зочилсон хүмүүс маань гадарласан л байх. Гэхдээ оюутан учираас нэг их бренд хөөх дуртай биш. Хамгийн гол нь загварлаг хирнээ хэрэглээ сайтай хувцас худалдаж авах дуртай.

1. Жижгэвтэр дөрвөлжин мөрлөж үүрдэг цүнх : Ямар ч илүү дутуу деталь байхгүй ийм цүнх нь энгийн casual, эсвэл ажил хэрэгч хувцаслалтанд дээр ч хамгийн эмэгтэйлэг өнгө аясыг оруулж ирдэг
2. Улаан богино банзал :  юбика тэр болгон барагтай л өмсдөггүй ч  энэ жилийн бас нэг тренд болж байгаа өнгө болоод ч тэр юмуу нилээдгүй таалагдаад худалдаж авчихсан юм.
3. Тод ягаан chiffon цамц : би ер нь нилээн тод өнгөнд дуртай. Үзмэн ягаан, цэнхэр, Улаан гэх мэт... гэхдээ ягаан өнгийн хувцас бараг байддаггүй учираас энэ цамцандаа нилээдгүй дуртай болоод байгаа. Скини өмд, богино шорт, бариу pencil банзал гээд бараандуу өнгийн ямар ч хувцасан дээр зохицуулж  өмсөхөд маш амар.
4. Судалтай даавуун цамц : Энэ жил би boyish стилд нилээдгүй дурлаад байгаа. Дандаа эмэгтэйлэг байх уйтгартай. Заримдаа ийм стилээр хувцаслахад күүл санагдаад байдаг юм

5. Улаан даавуун даашинз : Биед эвтэйхэн хөнгөн, сулавтар, бас ахиад casual...
6. Нил ягаан ороолт : Миний хамгийн хамгийн дуртай өнгө, зүүчихсэн байхад маш гоё зөөлхөн
7. Нарийн beige өнгийн бүс

Гуталний хувьд өндөр өсгийтэд дуртай ч өдөр тутмын хэрэглээндээ хавтгай ултай гутал зүгээр байдаг юм.

8. Биеийн өнгөтөй (nude)pumps : Өсгий нь бараг 10см ч гэлээ тулгуур сайтай учираас хөлд маш эвтэйхэн.
9. Хар лакан pumps : Төрсөн өдрийн минь бэлэг
10. Алтлаг шаргал сандал : Өдөр тутмын минь байнгийн хэрэглээ
11. Оксфорд загварын гутал : Мөнгөлөг цайвар өнгийн энэ гутландаа хамгийн хайртай. So Stylish

NY Times сэтгүүл : Цөмийн түлш түрээслэх гэрээний ард (Америк ба Монгол)

NY Times-д гарсан мэдээлэлийг чадахаараа орчуулах гэж хичээлээ. Иймэрхүү орчуулга бараг хийж байгаагүй болохоор алдаа мадаг гарсан байх магадлалтай. Хэрвээ тийм зүйлд олдвол хэлж тус болоорой.





Англи хэл дээрхи эх нь :  http://www.nytimes.com/gwire/2011/08/23/23greenwire-official-us-in-early-talks-about-intl-nuclear-96182.html?pagewanted=all

Америкын Энергийн яам нь Монголд цөмийн хаягдалын агуулах барихаар сонирхож байгаа гэсэн мэдээлэлүүдийг өөрдсөө үгүйсгэсээр ирсэн. Тэгвэл одоо Обама-гийн засаг захиргааныхан бусад улсаас уран `түрээслэж` , хэрэглэсэн түлшээ тухайн орон руу нь буцаах тухай Энергийн яамныхний далд амбицыг олонд ил болгох алхамаа хийв.

Обама-гийн засаг захиргааны ахлах ажилтаны энэ сарын эхээр Greenwire-д (Байгаль орчин болоод Энергийн асуудлаар төрөлжсөн цахим мэдээлэлийн суваг) өгсөн мэдээллээр, АНУ-ын Засгийн газар нь Монгол, Япон, Арабын Нэгдсэн Эмират зэрэг хэд хэдэн улсуудтай Цөмийн Түлш Худалдаалах (түрээслэх) гэрээ хэлэлцээр хийх талаар анхан шатны хэмжээнд ярилцаж буй гэжээ. Түлш худалдаалах гэрээний нэг хувилбараар бол ураны нөөцтөй улс нь уранаа олборлон, баяжуулж, түлш болгосны үндсэн дээр түүнийгээ бусад гадны оронд `түрээслүүлэх` юм байна. Түлш хэрэглэгдэж дууссаны дараа тухайн уран олборлогдсон орон руу нь буцаан илгээх зарчимтай байх нь. Гэхдээ буцаагдсан хаягдалаа хүлээж авсан улсууд нь хэрхэн яаж шийдвэрлэх тал дээр ярилцаагүй байгаа ч АНУ нь тухайн улсын дотоод дох уран баяжуулалт болон дахин боловсруулах тал дээр хамтрах замаар цөмийн зэвсэг дэлгэрүүлэх асуудлаас сэргийлнэ хэмээн найдаж байгаа гэж албаны хүн хэлсэн байна.

Мөн Гадны бусад орнууд, олон улсын байгууллагууд түлш хангалт нь тасраад байгаа орнуудад зориулж цөмийн түлш хадгалах `түлшны банк` -ийг байгуулахаар ажиллацгааж байна гэж албаны хүн хэлжээ. Олон Улсын Атомын Энергийн Агентлаг (IAEA) болон Орос хамтран олон улсын түлшний банк байгуулахаар шийдвэртэй алхамуудыг хийж, Казакстан нь өөрийн газар нутаг дээр байрлуулахаар сайн дураар санал гаргасан хэмээн Олон Улсын Энх Тайваны төлөөх Карнейги Эндөүмент хэмээх бодлогын хүрээлэнгийн цөмийн энергийн шинжээч Марк Иббс ярьсан байна. Өнгөрсөн долоо хоногт, АНУ цөмийн зэвсэгийн программынхаа илүүдэл ураныг ашиглах замаар түлший банк байгуулах төлөвлөгөөгөө олонд танилцуулсан. Гэвч Иббс-ийн яриагаар бол Цөмийн түлшийг түрээслүүлэх гэрээг хэрхэн урагшлуулах тал дээр Обамагын засаг захиргааны дотор ч нилээдгүй санал зөрөлдөөнтөй зүйлүүд байгаа ажээ. Цөмийн технологи сонирхож буй шинэхэн орнуудад маш чухал цөмийн технологийг нийлүүлэх нөхцөлийг (шаардлага) гэрээнд хэрхэн заах талаар саналын зөрөлдөөн байгаа гэнэ.

Гадны орнуудтай хамтарсан түлш нийлүүлэлт, баяжуулалт, хэрэглэгдсэн түлшийг агуулах зэрэг асуудлуудыг хамарсан нарийн төвөгтөй энэхүү Цөмийн Түлш Түрээслэлтийн программд АНУ оролцоx эсэх, санхүүжилт гаргах үгүй нь Конгресс болон Гүйцэтгэх Захиргаа хооронд хэлэлцэх (Ерөнхийлөгч олоод Дэд Ерөнхийлөгч, Танхимын Гишүүдээс бүрдэнэ ) ирээдүйн цөмийн хамтын ажиллагааны гэрээндэх Америкийн шаардлага ямар байх шийдвэрээс ихээхэн хамаарах аж.

Сонирхлын Орнууд

Одоогийн байдлаар Америк нь АНУ-ын Цөмийн Энергийн тогтоол, 123р бүлэгийн дагуу Япон болоод Арабын Нэгдсэн Улстай цөмийн хамтарсан гэрээнд нэгдсэн байгаа боловч засгийн газрийн албан ёсны мэдээгээр Монгол хараахан ороогүй байгаа гэнэ. Энэхүү гэрээгээр бол АНУ-гаас бусад гадны улс руу ихээхэн хэмжээний цөмийн материал болоод техник төхөөрөмж тээвэрлэгдэх бөгөөд цөмийн хяналт, хязгаарлалтын тал дээр хамтран ажиллах шаардлагатай байгаа юм.

Америкын компаниуд нь цөмийн дэвшилтэт технологи болоод мэдээлэлийг зарах боломжтой бөгөөд жишээ нь Аравын Нэгдсэн Эмират улс руу реактор нийлүүлсэн. 123р гэрээний дагуу Эмират улс нь уран баяжуулалт, хэрэглэгдсэн түлшний дахин боловсруулт зэргийг хийхгүй болохоо зөвшөөрсөн бөгөөд ирэх арван жилдээ цөмийн үйлдвэрлэлээ хөгжүүлэхийг зориж, 2сард Өмнөд Солонгостой 2020 онд 4н ширхэг цөмийн реактор бариулах гэрээнд гарын үсэг зурсан билээ.

Нөгөө талд маш том хэмжээний цөмийн үйлдвэрлэлийн баазтай Япон нь өөрсдийн хэрэглэсэн түлшээсээ салах арга замуудыг хайж байгаа хэмээн Цөмийн Эрдэмтэдийн Xолбооны ахлах мэргэжилтэн Эдвин Лайман ярисан байна.

Япондах зарим олон нийтийн байгуулагууд нь цөмийн хаягдал хадгалдаг торхонцор савнуудаа байршуулах агуулахын хэмжээг томсгож байгаад маш болгоомжтой хандаж байна. Гол асуудал бол дотооддоо хаягдал байршуулах газар олж чадах улс төрийн эр зориг Япон улсад байгаа эсэхэд оршиж байна хэмээн тэрээр нэмж хэлжээ. 3н сарын 11нд болсон газар хөдлөлт болон цунамигаас болж дэлбэрсэн Фүкүшима 2-р АТЦ-ийн гамшигыг намжаах гэж ихээхэн хичээж байгаа билээ.

3н сарын 29нд болсон Карнегийн Олон улсын Цөмийн Бодлогын Хурал дээр Цөмийн Энергийн Яамны аюулгүй байдал, хамгаалалтын хэлтэсийн дарга Ричард Стратфорд АНУ нь Монголтой ашигласан түлш хадгалах `Олон Улсын Хадгалалтын Бааз ` гэсэн нэртэй байгууламж барих талаар хэлэлцэж буй гэж мэдэгдсэнээс хойш Монголд цөмийн хаягдалын агуулах барих АНУ-ын хэлэлцээний тухай мэдээлэлүүд шил шилээ даран гарч ирсэн.

Стратфорд хэлэхдээ Америкын Засгийн газрын албаныхан Монголын талд олон улсын цөмийн хаягдал байршуулах байгууламжын асуудалд хамтран оролцож болох юм гэсэн саналаа илэрхийлэн 123-р гэрээг байгуулахаар ярилцаж байгаа гэсэн боловч дараахан нь Монголдох Америкын Элчин Сайдын Яамнаас Стратфордын яриаг үгүйсгэсэн мэдэгдэл хийж, Америкийн Энергийн Яамнаас Америкийн ЗГ нь ашигласан цөмийн түлш авах эсэх дээр бусад орны ЗГ-тай ярилцах, хэлэлцээр хийх боломжгүй гэж мэдэгдсэн.

Хэдийгээр АНУ Монгол хооронын цөмийн хамтын ажиллагааны гэрээ байхгүй ч 2 улс өнгөрсөн жил иргэний зориулалттай цөмийн технологи; аюулгүй байдал, хяналт, хаягдалын асуудал зэргийг хамарсан хамтын ажиллагааны санамж бичигт гарын үсэг зурцгаасан билээ.

Төв Азид байрлах далайд гарцгүй Монгол нь Орос, Хятадаар хиллэдэг, парламентийн засаглалтай хөгжиж буй улс бөгөөд эрс тэс уур амьсгал, хэт тархай бутархай хүн амын байршил, үржил шим муутай өргөн уудам газар нутаг зэрэг хүчин зүйлээс шалтгаалан эдийн засгийн хөгжлийн хувьд хязгаарлагдмал байдаг гэж IAEA мэдээлсэн байна. CIA-ийн мэдээллээр бол, Монголын эдийн засаг нь ерөнхийдөө мал аж ахуй, газар тариалан дээр суурилсан байдаг боловч зэс, алт, чулуун нүүрс, уран, цагаан тугалга, вольфрам зэрэг байгалын баялаг нөөцөөрөө гадны хөрөнгө оруулагчдийг татаж байгаа бөгөөд гадаад худалдааныхаа талаас илүүг Хятадтай хийдэг гэжээ.

Хэрвээ Америк нь Монголтой гэрээ байгуулж чадвал, АНУ -тай хамтарсан бусад улсуудын түлшний хаягдал тийш нь тээвэрлэгдэх боломжтой болно.Одоогын байдлаар Цөмийн Түлш Түрээслүүлэх гэрээнд Америкын реактораас гарах хаягдалын тухай тусгагдсан ямар нэгэн заалт байхгүй байгаа бөгөөд хэрвээ ямар нэгэн өөр улс гадны хаягдалыг хүлээн авах хүсэлтээ гаргавал, албаныхан болоод бусад шинжээчид цаг алдалгүйгээр судлах болно гэж гэж Лайман хэлжээ.

Иббс хэлэснээр бол, Удирдах Албан тушаалтангуудын хэлэлцсэн цөмийн түлш түрээслэх гэрээний талаархи хэлэлцээрээр зарим албан тушаалтнууд IFNEC (хуучнаар Олон Улсын Цөмийн Энергийн Түншлэл-GNEP) -хэнтэй уулзах сонирхолтой байгаагаа мэдэгдсэн гэнэ.

Обама-гийн засаг захиргааныхантай санал зөрөлдсөн GNEP-ийн зарим бүлэгүүд нь реактор дахь хэрэглэсэн түлшийг дахин боловсруулах талын судалгааг хурдасгах тал дээр хүч чармайлт тавиж байсан Жорж Буш-ын захиргаанд харьяалагддаг байсан байна. Энэхүү түншлэл нь баяжуулсан ураны зах зээл дээр (Булах хүртэл нь хариуцах түлшний үйлчилгээ гэсэн нэртэй) үйл ажиллагааг бий болгохоор эрэлхийлж байгаа юм. Энэ нь том хөгжилтэй улсууд нь жижиг орнуудаа баяжуулсан уранаар хангах, түүнчлэн ураныг боловсруулах, хаягдалыг зайлуулах байгууламжийг барих хөрөнгө санхүүгээр туслах явдал юм.

Гэвч Монголын талтай хэлэлцээр урьдчилсан хэмжээнд яригдаж байгаа бөгөөд Монгол GNEP-ийн гишүүн орон биш боловч одоохондоо ажиглагч орон гэсэн байр суурьтай байгаа гэдгийг Иббс хүлээн зөвшөөрчээ.

Тулгарч болох Бэрхшээлүүд
Цөмийн түлш түрээслэх гэрээнд Монгол улс оролцох нь эдийн засгийн хөгжлийг дэмжих цөөн хэдэн баялагтай , ураны нөөцтөй энэ улсад зайлшгүй мэт байж магадгүй ч
цөмийн талаархи ямар ч туршлагагүй орны хувьд энэхүү гэрээнд ямархуу нөлөө үзүүлж чадах талаар хэд хэдэн чухал эргэлзээ байна гэж Иббс ярив.

Саяхан цөмийн нийлүүлэгч орнуудтай Америк хэлэлцээр хийсэн нь Монголруу уран баяжуулах болоод дахин боловсруулах технологио дамжуулахад асуудал ихтэй болсон гэхэд болно.

Цөмийн зэвсэгийн тархалтыг хянах зорилготой Цөмийн Нийлүүлэгч Улсуудын холбоонд багтах АНУ болоод бусад 45 орнууд 6н сард уран баяжуулалт, ашигласан түлшний дахин боловсруулалтай холбоотойгоор шинэ гэрээний нөхцөлийг оруулж өгсөн. Энэхүү шинэ удирдамжаар бол цөмийн технологи эзэмших хүсэлтэй орон дараах шаардлагуудийг хангасан байх ба Цөмийн Зэвсэг Үл Дэлгэрүүлэх Хэлэлцээрт нэгдсэн байх, Олон улсын Цөмийн Зохицуулагч нарын аюулгүй байдалыг хангах тал дээр дэмжлэг үзүүлэх, IAEA-ийн аюулгүй байдлын гэрээнд захирагдах, Олон Улсын Цөмийн Аюулгүй Байдлын Стандартийг баримтлах гэх мэт ...

Холбооны Засгийн газар болоод Конгресс хоорондох зөрчилдөөний улмаас цөмийн хамтын шинэ гэрээнд төвөгтөй асуудал үүсэх магадлалтай. Зарим хууль тогтоох байгууллагын гишүүдын зүгээс конгрессийн хяналтийг чангаруулах хүсэлтэй байна.

3н сарын сүүлээр Цагаан ордны Гадаад явдлын хэрэг эрхлэх газрын дарга хадагтай Илеана Рос-Лехтинен нь 1954 оны Цөмын Энергийн тогтоолын Олон улсын 123р гэрээ болох Америкын ЗГ цөмийн технологи, байгууламж, материал, үйлчилгээг экспортлох стандартыг чангатгах тал дээр засаж сайжруулсан хүүлийн төслийг танилцуулсан билээ.

Хамтын ажиллагааны гэрээг батлуулахын тулд Конгрессын зүгээс дэмжсэн санал зайлшгүй шаардлагатай болох бөгөөд ингэснээр энэхүү гэрээнд орох гадны улсууд цөмийн материалын баяжуулалт болон дахин боловсруулалтаасаа татгалзах ёстой болох юм.

Санал Болгох дуу

Найз маань санал болгоод сонссон чинь ихээхэн таалагдав. Янаг нь дэндсэн гоё дуу

Хоёр буурай минь

Хамгаас хайртай 2 буурайдаа : Өвөөгийн минь хамгийн дуртай дуу, үргэж л амандаа аялчихсан явдагсан


Миний үеийн ихэнхи залуусын адил, би ч өвөө эмээгийн хүүхэд. Ээж маань Украйнд оюутан байхдаа намайг төрүүлсэн болохоор би гэдэг улаан нялзрай амьтан эмээ өвөөгийн гар дээр үлдсэн. Өвөө маань түүхийн багш, эмээ маань халдвартын эмч хийдэг. Өвөө минь үсээ гялалзтал хойш нь самнадаг, энгэрийнхээ халаасандаа байнга жижигхэн самтай явдаг, байсхийгээд л самаа гаргаж ирээд үсээ самнаж янзалдаг  хүн байж билээ. Эмээ минь их цэвэрч, чямбай ажилсаг бас тухайн үеийнхээ ганган бүсгүйчүүдийн нэг байсан гэдэг. Хэдхэн сартай болгоод ээж маань сургууль руугаа буцсан болохоор би гэрийн боорцог, хонины сүүл хөхөж өссөн гэсэн. Эмээ өвөөгийн гар дээр үлдсэн намайг өглөө болгон эгч(ээжийн дүү) минь яслид хүргэж өгөхийн тулд эхний цагын хичээлээ тасалдаг, өвөө багш байсан тулдаа хичээлийнх нь багшийг аргалдаг байсан гэжаагаа. Бас болоогүй хааяадаа харах хүнгүй болохоор өвөө юм уу эмээ ажил руугаа дагуулж явдаг. Өвөөгийн хичээл дээр болохоор сурагчидынх нь үзэгийг хурааж аваад хичээлийиг нь бичүүлдэггүй, эмээгийн ажил дээр очихлоороо эмээг дагаж өвчтөн үзэх өрөөнөөс гарч өгдөггүй эрх хүүхэд байсан гэж ах эгч нар маань надад яриж байсан юм.
 Зуны амралтаараа өвөөгийндөө харичихаад нэг тэмдэглэлийн дэвтэр олов. Уншаад байсан чинь манай өвөөгийнх, тэр тусмаа эмээтэй танилцаж байх үеийнх нь тэмдэглэл болж таарав. Одоо хамгийн сэтгэлд үлдсэн нь `Зөөлөн бороотой сайхан үдэш байлаа. Түүнийгээ өнөөдөр л анх уруул дээр зориглон үнсэв. Сэтгэл үгээр хэлэхийн аргагүй догдлов ` гээд доор нь 4н мөрт бичсэн байж билээ. Тухайн үедээ эмээгээ харах болгондоо өвөөгийн бичсэн тэр үгс нь санаанд орж их л инээд хүрдэг байсансан. Би ч тэгээд өвөөгийн л хүүхэд байсан даа. Өвөөгөө өмөөрч, согтуу ирлээ гээд
загнасан эмээ рүүгээ чулуу шидэж цохиж байсан тархигүй толгой.

Дэгжин эмээ нар

Эмээ нар ганган дэгжин хувцаслаж болохгүй гэж хэн хэлсэн юм болоо? Монгол бүсгүйчүүд маань хөгшрөөд ирэхээрээ стил имиж гэдэг үгийг мартчихдаг шүү дээ. Тэгвэл гандан буурахгүй ганган эмээ нарын хэдэн зургийг хүргэе...

Сэдвээсээ багахан хазайхад гадаадад эмээ өвөө нар нийгмийн идэвхи тун сайтай. Янз бүрийн сайн дурын үйл ажиллагаанд оролцдог, бүжиг уран бичлэг гээд олон төрлийн секц дугуйланд идэвхитэй явдаг. Саяхан миний ажилдаг зочид буудалд нийтийн бүжгийн дугуйланд явдаг эмээ өвөө нарын уулзалт парти болсон юм. 70,80-тай өвөө эмээ нар гэхэд итгэмээргүй шахуу хөнгөн шингэн хүмүүс байна лээ. Өөрсдийгөө old boy, old girl гэж нэрлэцгээсэн нь их эгдүүтэй хөөрхөн санагдаж билээ. Тэр ч бүү хэл олон нийтийн номын санд хөгшчүүл их цуглардаг. Элдэв янзын ном уншиж байнга өөрсдийгөө хөгжүүлэхийг эрмэлздэг нь үнэхээр сайхан авууштай бас бахархууштай чанар.

Найддаг Монголоос Бүтээдэг Монгол руу

Хөгжил дэвшил рүү тэмүүлж байгаа Монголчуудаа уриалан дуудсан сайхан бичлэг учираас блогдоо оруулчихлаа. Би бүтээдэг Монгол болохийг хүсэж тэмүүлж байна, харин та аль Монгол болох нь зөвхөн өөрөөс чинь хамааралтай. Өөрчлөлтийг өөрөөсөө залуусаа.

Personal Favorite Songs of Nina Simone

Нээх гоё дууг блог дээрээ байрлуулчихья. Ойрд сонсоогүй байж байгаад сонсоогүй байсан чинь сэтгэл санаа хамаг юмийг эргүүлээд хаячихлаа. Nina Simone хэмээх энэ гайхалтай дуучнийг жаз хөгжим сонсдог хүмүүс дотор мэдэхгүй хүн ховор байх. Дууны хувьд 1957 онд бүтээгдсэн Wild is the Wind киноны хөгжим бөгөөд Johnny Mathis анх дуулсан. Гэвч би Nina Simone-ний хувилбарт нь илүү дуртай. Ер нь тэрээр маш олон алдартай сайхан дууг өөрийн хувилбараар дуулсан байдаг.

 

Бас нэмээд нэг дуртай дуугаа оруулмаар санагдлаа. Үг нь энгийн боловч нэг тийм донжтой гоё. Сонсох болгонд сэтгэл санаа нэг л сайхан сэргээд ирдэг юм.  

Номтой нөхөрлөсөн бяцхан түүх минь

Сүүлийн үед уншсан ба уншиж буй номнууд

Ойрдоо ном унших цаг зав багасаад байгаа болохоор ч тэр үү өөрийгөө ч сэргээх зорилгоор өөрийнхөө номтой нөхөрлөсөн түүхээ блог дээрээ бичье гэж шийдлээ. Нэг их үүх түүхсээд байхгүй ч хүүхэд насны минь сайхан дурсамжуудын нэг болохоор нийтлэлээ бичихэд ч урамтай байна. 

 Анх бага ангийн нэгдүгээр ангид орж байхад надаас бусад нь үсэглэж уншдаг байж билээ. Тухайн үедээ их л ичгэвтэр санагдаж эгч нарынхаа уурийг баран 7 хоног гаран ноцолдсоны эцэст үсэглэж уншдаг болж билээ. Өөрөөсөө том хүрэн баавгайн чихмэл, хэвтүүлэхээр нүдээ аньж унтдаг хүүхэлдэйгээс өөр нэг их тоглоомгүй байсан надад ном гэдэг сайн найз нэгээр нэмэгдсэн юм. Бага ангийн жаахан бацаан байсан болохоор үлгэрийн номонд нугасгүй дуртай. Тэр үед үлгэрийн ном ховорхон, тоотой хэдэн үлгэрийн номоо хэдэн ч удаа уншиж байсан юм бэ дээ. Хамгийн их тод санагддаг нь хатуу хавтастай орос ардын үлгэрүүд гэсэн их том зузаан ном байж билээ. Ном гайгүй сайн уншдаг байсан болоод ч тэр үү зохион бичлэгтээ сайн, юм цээжлэхдээ хурдан байсан даа. Бага ангын найзууд маань хүртэл Ертөнцийг харах цонх бол Уянга юм гэж хүртэл дооглодог байж билээ.

 Бага ангын 3-р ангиас уран зохиол тэр дотроо түүхэн романуудад их дуртай болсон. Хамгийн анхны уншсан роман маань Мандухай сэцэн хатан. Даанч хамгийн сүүлийн хэдэн хуудас нь урагдаж алга болсон ном байсан болохоор төгсгөлийг нь одоо хүртэл олж мэдээгүй л явна. Дараа нь Билгүүн их номч Бямбын Ренчин гуайн бичсэн гурамсан роман Үүрийн туяа. Үргэлжлүүлээд Манан будан, Зүрхний Хилэн, Оройгүй Сүм, Тунгалаг Тамир, Цаг Төрийн Үймээн гээд л монгол зохиолчидынхаа амттай сайхан зохиолуудыг уншсан даа. Өвөө минь түүхийн багш байсан болоод ч тэр үү өвөөгийн минь номын сан нь монгол гэлтгүй гадны сонгодог зохиолууд ч их байдаг байсан. Шадар гурван цэрэг, Монте Кристо гүн, Хурлийз Бүсгүй,  Дайн ба Энх,  Жонон Гуйлгачин 2, Усан доогуур 20н бээр аялсан нь гээд л дэлхийн сонгодог зохиолуудыг олонг ч уншиж дээ.

Эхэндээ ээж маань миний ном уншихийг их л хөхүүлэн дэмждэг байлаа. Би ч хичээлээс бусад цагийг бол ном уншихад л зарцуулж байсан байх. Дунд ангид ороод ирсэн миний хараа ч муудлаа, ээж сүүлдээ загнах тийшээ хандаж эхлэлээ. Хичээлтэй хамааралгүй ном уншиж харагдах юм бол ураад хаяна шүү гэж хүртэл загнах болов. Ах эгч нар хүртэл миний дүү ном их уншихаа боль, номын цагаан солио тусна шүү гээд л ... Гэхдээ тэглээ гээд ном унших хүсэл маань хэзээ ч дарагдаагүй. Аав ээжээсээ нуугдаж 00-ийн өрөөндөө хаалгыг нь түгжиж байгаад л нуугдаж уншина, угаах хувцасныхаа доор номоо нууж ээждээ хураалгахгүй гээд л гэртээ хирэндээ дажинтайгаар ном уншдаг байсан даа. Хажуу талын айл маань бас ном ихтэй байсан болохоор тэднийхээс их ном зээлж уншдаг байв. Зуны амралт болоод хөдөө амрахаар явах үедээ чемодан дүүрэн ном л авч явдаг байсан.

  Харин нэг муу тал нь номтой хэт их нөхөрлөсний үр дүнд надад сайн дотны гэх найзууд ховорхон байлаа. Биднийг хөдөө явсан хойгуур дүүг маань асууж найзууд нь гэрт их ирдэг байсан юм шиг байгаа юм. Харин намайг асууж ямар ч хүүхэд ирдэггүй байсан болохоор ч тэр юм уу  Ээж маань `чамд найз байдаггүй юмуу, миний охин ном уншиж байхаар гадаа гарч хүүхдүүдтэй тогло` гэж хүртэл хэлж байснийг бодоход их л санаа зовж байсан юм шиг байгаа юм. Тоглохоос илүү ном уншиж суух маань хамгийн жаргалтай цаг мөч минь байж.

 Их сургуульд орсоноос хойш унших номны маань төрөл ч их өөрчлөгдөж, уран зохиолын гэхээсээ илүү философи, сэтгэхүйн, эсвэл өөрийн мэргэжилтэй холбоотой ном сэтгүүл унших нь их болчихжээ. Одоо харин төгсөх дөхөөд бүүр ч номноосоо холдож байх шиг байна. Гэхдээ номтой ингэж их найзархаагүй байсан бол одоогийн  `БИ ` маань ямархуу сэтгэлгээ бодолтой болох байснийг хэлж мэдэхгүй юм. Ямартай ч ирээдүйд маш сайхан номын сантай өрөөтөй болоод, номоороо хүрээлүүлээд уншиж сууна гэдэг багын мөрөөдөл маань өөрчлөгдөөгүй хэвээрээ л байна. Нэг л өдөр биелүүлнэ дээ мөрөөдөл чамайг...

Эко амьдармаар байна

Eco-friendly Lifestyle буюу байгальд аюулгүй амьдралын хэв маяг гэсэн үгийг сонсоогүй хүн ховор байх гэж бодож байна. Хүний хэт замбараагүй хэрэглээнээс үүдсэн байгалын бохирдолийг багасгах зорилгоор сүүлийн жилүүдэд байгальд хор хөнөөлгүй техник технологи, байгальд ойрхон амьдралын зөв хэвшлийг бий болгох талаар дэлхийн улс орнууд ихээхэн анхаарах болсон билээ. Тиймээс өнөөдөр би нэгэн сонирхолтой жишээг танилцуулахаар шийдлээ. Энэ бол Шотландын FindHorn хэмээх эко-тосгоны тухай юм. Эко-тосгон гэдэг нь байгальтай ойрхон амьдралын хэв маягийг илүүд үздэг хүмүүст зориулсан систем бөгөөд тэр дундаас хамгийн алдартай нь энэхүү тосгон юм. Анх 1965 оноос эхлэн эко-тосгон болох ажиллагаагаа эхлүүлсэн бөгөөд 3н томоохон онцлогтой.

1. Байшин барилга : Тосгоны байшин барилгуудад байгальд ээлтэй технологи ашигласан бөгөөд улирлын өөрчлөлтөнд тэсвэртэй байхаар барижээ. Тухайлбал дээвэр дээрээ зүлэг дэвссэнээр  өвөлдөө дулаахан, зундаа сэрүүхэн. Байшингийн дээврийг барихдаа байгалын шаварлаг хөрсийг ашиглан хийсэн хавтанг ашигласан бөгөөд дулаан алдалтийг багасгахын тулд дулаалга болгож ханандаа сонингийн цаас зэргийг ашигласан байна. Цонхны хувьд, 2-3н давхар шиллэж түүний хоорондох завсарыг хийгээр дүүргэсэн байдаг тул дулааны алдагдалт ч маш бага байдаг гэнэ. Мөн айл болгон дээвэр дээрээ нарны зайн хавтанг суулгаснаар өрхийн ус халаагуур системдаа нарны энергийг ашигладаг юм байна.

2. Хэрэглээний нийт эрчим хүчээ салхи болон нарны энергийг ашиглан хангадаг. Салхины хүчийг ашиглан эрчим хүч гарган авах 4н салхин турбинтэйгээс гадна айл бүр өөрийн гэсэн нарны зайн хавтантай.

3. Хамгийн гол онцлог нь бохир усаа ургамлын тусламжтайгаар цэвэршүүлдэг.  1995 онд анх Амьд Машин гэж нэрлэгдсэн энэхүү байгалын аргаар цэвэршүүлэх системийг суурилуулсан бөгөөд 4-5н усан санд нутагшуулсан бактер, замаг, микро-организмууд, болон маш олон төрлийн ургамал мод, дун, загас зэрэг нь байгалын амьд шүүлтүүр болж усыг цэвэршүүлдэг. Энэхүү аргад химийн ямар ч бодис хэрэглэхгүйгээс гадна хамгийн гол нь эргээд ууж болохуйц хэмжээнд хүртэл ус цэвэрлэгддэг. Мөн борооны усыг айл бүр өөрийн цэцэрлэгээ услахад ашигладаг аж.

4. Тосгоныхон газар тариаланг, болон мал аж ахуй эрхлэх замаар хүнсний хэрэгцээгээ хангадаг  бөгөөд химийн бордоо ашиглалгүй байгалын цэвэр органик хүнсний ногоонуудийг тариалдаг байна.

 Өнөөдөр дэлхийн ихэнхи улс орнууд сэргээгдэх эрчим хүч рүү дахин анхаарлаа хандуулж эхлэж байна. Дэлхий даяар атомын цахилгаан станцуудын тоо бууран, харин эсрэгээрээ сэргээгдэх эрчим хүч ашиглан цахилгаан гарган авах станцуудын тоо ойрын үед эрчимтэй өсөж байна. Бидний урд хөрш Хятад хүртэл сүүлийн 5хан жилийн дотор салхины эрчим хүч ашиглан гаргаж авдаг цахилгааны хэмжээгээр дэлхийд 1рт ордог болчихжээ. 2хон саяуулхнаа бидэнд одоогийн байдлаар атомын цахилгаан станц дэндүү ахдах мэт санагдаж байна. Хамгийн гол нь бид өнөөдөр өндөр хөгжил гэдгийг юу гэж харж тодорхойлж байна вэ? Бидэнд, бидний хойч ирээдүйд цээж дүүрэн амьсгалах цэвэр агаар, нүд булаах тансаг байгаль, гар сунгаад хүрчихмээр ойрхон санагддаг цэнхэр тэнгэр л хэрэгтэй гэдгийг олон хүн ойлгож ухаарч байгаа болов уу!!!